Velkommen til Strynsvatn Camping

Strynsvatn Camping ligg vakkert til ved Strynevatnet, 11 km øst for Stryn. Vi har 37 hytter og 4 leiligheiter til leige. 12 små hytter er av enkel standard, dei andre hyttene og leiligheitene er av høg standard med dusj og wc. Alle hytter og leiligheiter har uteplass med hagemøblar. Fin utsikt over Strynevatnet.

På Strynsvatn Camping har vi 40 plassar for caravan, bobil og telt. I tillegg 80 sesongplassar for caravan. Sanitærhus med dusj og wc, sauna, vaskemaskin og tørketrommel. Nytt av året er også bobilutleige. Vi har ein Carado 448 til utleiege.

Strynsvatn Camping er eit ideelt utgangspunkt for aktivitetar og attraksjonar i området rundt Stryn; Geirangerfjorden, ski på Stryn Sommarskisenter, brevandring på Briksdalsbreen og mange fleire.

Vi held ope heile året, og resepsjonsbygninga med butikk og kafè er ope i sommarhalvåret. I tillegg til vanlege kioskvarer har vi litt daglegvarer som mjølk, ferske brød, pålegg o.l.

Det er gode fiskemoglegheiter i Strynevatnet og i Stryneelva. Vi leiger ut 2 båtar og 4  kanoar. Vi har også 7 syklar til utleige. Her er badeplass, leikeplass, biljard, ping pong, grillbu ved vatnet og tursti til fjell og bre.

Strynsvatn Camping er ein familiedreven campingplass med gode tradisjonar innen standard, service, kvalitet og gjestfridom – kort sagt “alt” som saman med den vestlandske naturen kan gje deg ei ferieoppleving du vil minnast.

Grillpaviljong

I den nye grillpaviljongen ved vatnet kan du grille og kose deg! Her er ein stor grill, sitjeplassar for 10-20 personar og fantastisk utsikt av Strynevatnet.

Turstiar

Frå campingplassen har vi bygt veg ca. 2 km oppover lia. Vidare er der oppmerka sti til Melands setra ( 500m.o.h.), ca. 1 times gange frå campingplassen og vidare opp mot tregrensa. Her frå kan de ta turen vidare mot høge fjelltoppar og isbre. Melandsfjellet ligg 1000 m.o.h, og for dei spreke vil vi anbefale Storskrefjellet 1814 m.o.h. Naturen og utsikta er fantastisk og er veret i godlune, får de ein tur de vil hugse lenge.